餐廳嘅lunch set都可以話幾抵食（串燒定食$138，十五款sashimi丼都係$380）不過難得來到，當然要再點多啲先盡興！
先說出色嘅菜式：
🦪仙鳳趾蠔大大隻，差不多有成隻手咁大😍見到真係wa一聲🤤食落去好滑、肥美同新鮮，口感creamy帶有鮮甜味，好高水準。
🐟濃湯金鯛燒係幾有特色嘅菜式，魚鱗燒到豎起，食落去非常香脆，配上嫩滑魚肉同點上濃湯食，更滋味😋
🌟柏·特盛丼賣相的確好吸引，以$380這個價錢可以食到15款魚生，性價比幾高！入面有大拖羅、汁煮鮑魚、赤蝦、海膽、三文魚子等，特別喜歡外層燒得好香口嘅厚切帶子，同埋入口即溶嘅toro☺️
🍢串燒六點定食包了菜同肉類串燒，都幾鍾意佢地自家手打的免治雞肉，口感幾好，雞翼就燒到外皮香脆，入面嫩滑。
🍤海老天婦羅炸到好香脆，天婦羅皮薄薄的配上彈口蝦肉，水準幾好。
🐟鮫鰈魚薄切魚肉鮮甜，雖然係薄切但都好有咬口，點上旁邊的酸汁，更突出鮮甜味，夠refreshing
另外餐廳的茶碗蒸都香濃，配上冬菇、白果等，水準不錯。
整體來說，真係幾有心思嘅日本餐廳，有機會再來食（一定會encore蠔！）
