築地‧山貴水產市場 (已結業)

到食lunch 時間，今日決定去遠啲，行到灣仔碼頭試下築地市場嘅水產除左餐廳之外，外面嘅水產市場都幾好行，地方好闊落。我地大約12:20到，場內唔算好多人，如果唔係怕曬都可以坐到海景枱我地坐低之後就叫咗特上壽司（$138)，大約要等10分鐘（上壽司就快啲，價錢係$88）壽司雖然得10件，但算大件，而且全部都好鮮味加配嘅烏冬好軟滑彈牙，配料好多，正！野飲可以揀培茶或者綠茶，但只係得一杯，冇得refill (refill要加8蚊）同事叫咗沙律加味增湯，如果想飽啲就叫烏冬比較好。