秋田浜燒食堂 (已搬遷) 新店位置

上星期去完東京，心思思又再想食海鮮燒。朋友介紹呢間就黎試下，位置唔算容易搵，係幾間酒吧中間，但食材令人喜出望外。仲有like fb 及share活動，免費抓大蝦遊戲，我一手拎到7隻，可選刺身或燒。叫左兩個set,有鮑魚，松葉蟹，大扇貝等等。一黎前菜，食完先會上主菜開爐燒。服務周到，員工唔會急住燒晒畀你趕你走，一食就食足兩個鐘。食材方面，本來以為係酒吧中間會似係新宿果d居酒屋重飲酒多d。點知一上菜有驚喜，食材非常新鮮。大大隻鮑魚仲好生猛，員工會細心幫忙清理內臟及切片。松葉蟹多肉鮮甜味美，蟹膏香滑。剛去完日本窮，如果唔係真係想encore 多次。最後仲有飯團，烏東。好滿足。