鱈卵屋 (已結業)

無意中發現呢間以明太子做主打既餐廳,一於試下!炸薯條配明太子醬,熱辣辣嘅粗薯條配上明太子沙律醬,沙律醬唔係得個樣係橙色咁簡單佢真係有好多明太子係入面,真材實料,唔覺唔覺好快就食晒成碟薯條啦!有雞先定有蛋先?哈哈!呢一個小食滿足晒幾個願望,有雞又有蛋!精制南蠻炸雞,配碎蛋他他醬,炸雞就食得多啦,配碎蛋他他醬就第一次,其實就即係碎蛋沙律啦!炸雞採用日本雞脾肉,又滑又重雞味,炸漿味道調校得啱啱好,炸功啱啱好,唔會覺得好油膩,碎蛋他他醬份量都好多,絕對夠分配成碟炸雞,碎蛋他他醬有勁多蛋白,而且真係有他他醬撈咗係入面,酸酸甜甜咁,真係好好味!雙拼明太子,即係原味明太子加燒明太子,就咁食明太子今次真係第一次,原味就比較咸啲,佐酒一流,個人就鍾意燒明太子多啲,外面有少少香口,比較乾身啲,如果可以再切薄d就更好啦!仲叫咗個3款清酒試飲套餐,只係$58,真係抵到暈!叫咗3款分別係純米酒,純米吟釀,同埋純米大吟釀.初時都擔心三杯酒唔知邊杯打邊杯,點知呢度服務好貼心叫,咗邊3款酒就有指示咭放係前面,指示咭上面分別有酒嘅名,佢嘅味道,建議配搭咩食物等等嘅資料,店員亦都將三款酒嘅次序由淡到濃放好,由淡味開始飲,