映月 (已結業)

今次發現到新開嘅日本料理店，裝潢勁有日本feel ar！映月供唔同類型嘅日本料理，當中主打串燒！首先就食啲前菜先，有中華沙律、八爪魚、牛蒡同埋枝豆，牛蒡幾特別，口感好爽脆！跟住就叫咗個雜錦刺身，有三文魚、油甘魚帆立貝，全部都好新鮮，仲好厚切添！跟住就叫咗個吞拿魚他他，吞拿魚入口即溶，包埋紫菜一齊食，真係幾好味我就叫咗幾款唔同嘅串燒，包括京蔥雞肉串、荔枝豚肉卷、牛肉串、羊肉串、焦糖菠蘿等等！個京蔥好甜，串燒全部即叫即整，燒得都好香！慢煮羊架個肉整得好嫩，又唔會太羶！最後叫埋個冷烏冬，個醬汁都幾好味，食到好飽呀