Cocolo Tokyo Cake Factory (朗豪坊) (已結業)

經過旺角朗豪坊口痕想食下甜品，見到有間甜品店，經過店員推介之下，就點了一件日本青森蘋果做的蘋果酥，同埋焦糖堅果奶油蛋糕。佢係日本製造的甜品，所以對於食材原料比較有信心，首先食一口焦糖堅果奶油蛋糕，雖然款式唔花巧，但將蛋糕做到好出色，做得好好食都唔容易㗎，呢個焦糖堅果奶油蛋糕係日本直送，但係都係非常之濕潤，蛋糕有彈性得來又綿密，有美味嘅蛋糕香味，配上外層的堅果，軟硬程度適中，非常好味。另外店員推介嘅青森蘋果批，問到店員蘋果酥有什麼分別，原來此店嘅蘋果酥係用青森蘋果肉和吉士做的，相對比較甜同濃郁，外皮的酥皮真係非常非常之脆，剛剛出爐，口感方面做得好出色，甜甜酸酸好開胃，個蘋果批勁鬆脆，暖笠笠，甜度適中，仲勁香蘋果味，中間爆出蘋果蓉，好足料，下次希望試吓其他蛋糕。