日本野 (銅鑼灣廣場二期) (已結業)

平時食日本嘢就好多選擇，今次嚟到銅鑼灣，銅鑼灣廣場6樓就有呢間日本野，選擇豐富，有石燒牛、壽喜燒，而且價錢親民，簡直係晚餐嘅一之選☺️石燒霜降牛小排定食非常之高質，牛小排雪花紋分布鮮明，可以自己用石燒爐燒，好正，肉質非常嫩滑，麵豉湯正常發揮，配搭滋味溏心蛋，好滿足🥰蒲燒鰻魚定食都好唔錯，鰻魚香口，醬汁香甜惹味，配搭埋鹹香嘅麵豉湯加埋香軟嘅溏心蛋，食得非常之開心🥳另外仲追加咗一個和風炒野菜，蔬菜種類都好多，有翠玉瓜、椰菜、玉筍等等，鹹香脆口，非常之好食😍餐廳都好好生意，但係空間感都好足夠，食得舒服又開心，仲要價錢唔貴，超級推薦✌🏻