禮 (已結業)

之前喺土瓜灣食過一間叫黎嘅日本餐廳，水準非常之高。近日見到佢喺太子開咗分店，所以專程喺午市嘅時間去堂食，試吓佢嘅水準係咪同土瓜灣分店一樣。午市嘅定食都有好多款選擇，豐儉由人。午市套餐包左前菜、茶碗蒸同埋麵豉湯。野川牛舌丼（$128)牛舌係日本料理中常見嘅菜式，日本菜嘅廚師總係可以將牛舌烹調得軟嫩多汁。呢度嘅牛舌丼除咗軟嫩多汁之外，配合埋其他嘅蔬菜令到整個丼飯嘅口感非常豐富。季節刺身四品配腐皮烏冬（ $168 ）四品刺身分別係油甘魚、鯛魚、吞拿魚同埋鮑魚。其中鮑魚就非常出色，口感爽滑彈牙。另外要呢一個四品刺身亦都可以選擇要茶漬飯或者腐皮烏冬。我哋今次就選擇咗腐皮烏冬，烏冬口感彈牙，湯底亦都濃郁鮮味。