影片
更多
2023-01-16
46 瀏覽
其實霏霏一直都好鐘意日本料理， 成日都 捐窿捐罅去搵日本好西食😋今日朋友帶我黎銅鑼灣新開商場sugar+ 26/F食可以飽覽成個維園既瀧宴•壽司，由於sugar+係新商場，得幾層係有食肆，所以一搵就搵到係商場出面我以為入左酒店，成幢大廈都好grand好靚🤩上到去餐廳，成幅都係酒既擺設好有型,，但入到去好搞笑， 有好多嘅茅台喺度， 未見過日本餐廳會有咁多茅台酒😲試咗個廚師發板feel既set menu，真係有好多唔同野食，大家可以睇睇個餐單前菜茄子個茄子食落清清地唔鹹，有開胃感覺，作為前菜一流👍🏻深海池魚，拖羅 刺身刺身肉身好厚，池魚刺身好鮮味，上面仲有啲蔥配合埋感覺好香！魚油必哂曬黎，魚油係口入面浪下浪下好正😋日本淮山鮮濃魚湯一上個湯個陣已經聞到超香既鮮魚味，飲緊個陣更加以為自己食緊條魚😂 加上淮山同海帶超足料，大滿足😋岩手縣令和之怪物生蠔怪物生蠔名乎其實真係怪物黎😂，大舊得黎又夠哂肥美，口感一流，而且好重海水味，實在係好正！北海道帆立貝配三文魚子鮮甜好味，三文魚子份量夠多, 配埋專屬嘅帆立貝香草牛肉汁，好味道！香煎鵝肝伴自家製醬汁好香嘅鵝肝多士,上面有用黑醋汁調味，令到鵝肝白味更加出
今日朋友帶我黎銅鑼灣新開商場sugar+ 26/F食可以飽覽成個維園既瀧宴•壽司，由於sugar+係新商場，得幾層係有食肆，所以一搵就搵到
係商場出面我以為入左酒店，成幢大廈都好grand好靚🤩
上到去餐廳，成幅都係酒既擺設好有型,，但入到去好搞笑， 有好多嘅茅台喺度， 未見過日本餐廳會有咁多茅台酒😲
試咗個廚師發板feel既set menu，真係有好多唔同野食，大家可以睇睇個餐單
前菜茄子
個茄子食落清清地唔鹹，有開胃感覺，作為前菜一流👍🏻
深海池魚，拖羅 刺身
刺身肉身好厚，池魚刺身好鮮味，上面仲有啲蔥配合埋感覺好香！魚油必哂曬黎，魚油係口入面浪下浪下好正😋
日本淮山鮮濃魚湯
一上個湯個陣已經聞到超香既鮮魚味，飲緊個陣更加以為自己食緊條魚😂 加上淮山同海帶超足料，大滿足😋
岩手縣令和之怪物生蠔
怪物生蠔名乎其實真係怪物黎😂，大舊得黎又夠哂肥美，口感一流，而且好重海水味，實在係好正！
北海道帆立貝配三文魚子
鮮甜好味，三文魚子份量夠多, 配埋專屬嘅帆立貝香草牛肉汁，好味道！
香煎鵝肝伴自家製醬汁
好香嘅鵝肝多士,上面有用黑醋汁調味，令到鵝肝白味更加出香噴噴。
有d人驚食鵝肝會腥，但呢個絕對無！而且塊多士好脆，成個菜式都好夾👍
.
澳洲虎蝦
虎蝦好大隻，蝦肉非常爽脆好鮮甜。蝦頭有好多膏，由於夠滑身，師傅又切得夠技術，基本上一挑成條蝦肉就出黎。如果再清d 可以的幾滴檸檬汁上去 下面仲有啲昆布 索晒啲蝦嘅香味，一流👍
美國頂級牛肉
初頭都唔明點解伴碟會有幾塊蒜片，之後問番侍應先知原來係要增加口感。蒜片同舊牛肉加埋一齊食好好食，由於唔係佳bar台無叫師傅整生d, 但師傅煎到岩岩好，肉汁一咬就溢哂出黎
.
黑松露蟹肉炒飯
黑松露蟹肉炒飯我第一次食，蟹肉夠鮮黑松露夠多，估唔到幾夠鑊氣，而且櫻炒飯炒得唔好通常好鞋，但呢款又唔會，好惹味😋😋😋
.
綠茶雪糕
最後甜品我叫左杯綠茶雪糕，綠茶味好濃，好岩我，濃味甜品作呢個大餐既總結簡直就係正！❤️
美味指數：5
地點：5
環境：5
性價比：5
翻eat指教:5
15 瀏覽
0 讚好
0 留言
張貼
