影片
更多
2022-09-01
997 瀏覽
喺香港都可以食到日本質素嘅飯團🍙！最近發掘到一間由日本人主理嘅高質飯團專門店，連店員都係全部日本人嚟㗎，真係有去咗日本旅行嘅錯覺🤣佢哋嘅飯團全部都係新鮮製作，所使用嘅食材都係採用返日本產地原料，帶嚟最地道嘅日本風味🇯🇵🇯🇵• 北海道炙燒明太子飯團 $32食飯團當然要揀返我最愛嘅明太子🫶🏻呢款炙燒版嘅口感會比生明太子實在啲，有啲似食魚春咁，鹹鹹辣辣咁好惹味，而且份量好多，啖啖都食到明太子！飯粒方面採用日本直送嘅信濃大町米，再經由香港精米所「三代目俵屋玄兵衛」進行精米，加上信濃大町水以日本砂鍋烹製，粒粒圓潤飽滿充滿米香，唔怪之得要做得咁講究啦🤤• 北海道鰹魚乾削片meets梅子飯團 $32呢款飯團有別於一般以紫菜包裹，而係以鰹魚乾舖滿整個飯團，賣相同味道都較新㯋。梅子餡有經過調味，酸得嚟帶點鹹味，唔會好似傳統嗰種原粒酸梅咁難入口，夏天食感覺特別清爽開胃✨
最近發掘到一間由日本人主理嘅高質飯團專門店，連店員都係全部日本人嚟㗎，真係有去咗日本旅行嘅錯覺🤣佢哋嘅飯團全部都係新鮮製作，所使用嘅食材都係採用返日本產地原料，帶嚟最地道嘅日本風味🇯🇵🇯🇵
• 北海道炙燒明太子飯團 $32
食飯團當然要揀返我最愛嘅明太子🫶🏻呢款炙燒版嘅口感會比生明太子實在啲，有啲似食魚春咁，鹹鹹辣辣咁好惹味，而且份量好多，啖啖都食到明太子！飯粒方面採用日本直送嘅信濃大町米，再經由香港精米所「三代目俵屋玄兵衛」進行精米，加上信濃大町水以日本砂鍋烹製，粒粒圓潤飽滿充滿米香，唔怪之得要做得咁講究啦🤤
• 北海道鰹魚乾削片meets梅子飯團 $32
呢款飯團有別於一般以紫菜包裹，而係以鰹魚乾舖滿整個飯團，賣相同味道都較新㯋。梅子餡有經過調味，酸得嚟帶點鹹味，唔會好似傳統嗰種原粒酸梅咁難入口，夏天食感覺特別清爽開胃✨
張貼
