美人鍋 (已結業)

見新開業幾個月嘅美人鍋午市都可以預約訂座, 就決定試下!餐廳設計光猛, 座位非常闊落, 比起但馬屋狹窄嘅環境勝一籌! 午市火鍋套餐($168)包括一款肉類、免治雞肉、蔬菜盛合、一款飯麵同Drink Bar。第一次光顧就梗係試招牌骨膠原湯底啦! 用日本走地雞熬製而成嘅膠原啫喱, 加熱溶化成濃湯, 味道好鮮甜, 絕對感受到餐廳用心製作由於套餐自選肉類只可配雞或豚腩肉, 鍾意食牛嘅朋友就有啲失望。豚腩肉份量適中, 但偏肥, 而跟餐嘅芝麻免治雞肉味道幾特別。加上有超過10款醬料任揀, 當中柚子昆布醋同白味噌芝麻汁都唔錯。總括嚟講, 雖然午市火鍋套餐比樓上嘅但馬屋貴, 但勝在食材高質, 值得一試。