喜多嬉牡蠣屋 (已搬遷) 新店位置

第一次見有生蠔放題，而且仲係由日本直送。只要$498就可以任叫任食生蠔90分鐘，除左蠔之外，仲有指定串燒同飲品任飲。蠔魔一定要去～前菜🍱八寸_喜多嬉九品放題每位都會送一客，包括有喜多嬉牡蠣刺身、天婦羅秋葵、天婦羅紫蘇葉吞拿魚蓉、吞拿魚刺身、手工月見燒鳥丸、燒活白鰻同喜多嬉牡蠣茶漬飯。作為前菜非常豐富👍🦪生蠔黎自岡山縣的新鮮生蠔,肉質爽口，入口鮮甜肥美，點帶少少海水既咸味。另外再加上土佐醋啫喱，辣蘿蔔蓉同蔥花，令鮮味更加凸出蒸帆立貝、生蠔帆立貝同生蠔都岩岩好熟，仲飽持好鮮味。生蠔仲係好飽滿。店舖預備左蒜蓉、XO醬同好特別既孜然醬，3種都各有特色，我就鍾意一次過落哂😋燒烤🐓雞大腿肉一串有3塊肉，每塊都連埋脆卜卜既雞皮，雞肉都保持到肉汁，好有驚喜。🐔雞心雞心爽口，唔會燒得太乾，加d辣椒粉更加惹味🦑墨魚岩岩好熟，肉質爽脆，食得出好新鮮🐟味醂魚乾每次去居酒屋都必叫，味道甜甜地，點埋蛋黃醬食，好開胃🍜牡蠣秘製撈五島手延烏冬烏冬麵質彈牙，秘製醬汁食落有d似卡邦尼，加埋鮮味既生蠔，配塔幾新穎👍