影片
更多
2023-06-18
71 瀏覽
餐廳標榜將所有日本和牛均由黑木華樺牧場直接供應,牛肉新鮮品質有保證；餐廳亦非常細心在餐枱上面附上提示紙,顯示和牛的不同部位，需要用多少時間來烹煮,讓客人不會Overcook,可以準確地試到不同部位的牛肉的質感和味道! 和牛放題 $438/位 🔸️黑樺牧場精選層架凡入座都會有這個靚靚層架贈送,擺盤相當精緻,很好打卡啊！上面有熊本和牛,五花腩肉,手打金鑽蟹籽蝦滑和黑松露魚籽墨魚滑 真材實料,食落去口感彈牙! 🔸️餐前小食拼盤一坐低冇耐便會送上一碟前菜拼盤,入面有鹵牛,鹵牛舌,川式魚皮和皮蛋,特別喜歡牛舌和魚皮;前者軟腍入味,後者Q彈有口感,而且醃得非常入味,酸辣醒胃！🔸️冬瓜豆腐海鮮原盅燉湯每位客人都會送上燉湯一中盅,用料十分落本,以原隻大蝦,螺片和豆腐,冬瓜來燉湯 ,味道十2分鮮甜,還有陣陣的豆腐香,原汁原味! 真係好好飲啊！ 🔸️北海道牡蠣海鮮拼盤餐廳而家做緊優惠,二人同行,入座時都會送上牡蠣海鮮拼盤.海鮮拼盤有六隻生蠔和兩隻大海蝦 侍應會喺客人面前即刻冚蓋set好個Timer焗熟生蠔和海蝦,大概7至8分鐘 焗好之後,仲有專人幫你開埋蠔殼,所有生蠔都係日本直送，開蓋時陣陣蠔香,隻隻都肥大肉厚
和牛放題 $438/位
🔸️黑樺牧場精選層架
凡入座都會有這個靚靚層架贈送,擺盤相當精緻,很好打卡啊！上面有熊本和牛,五花腩肉,手打金鑽蟹籽蝦滑和黑松露魚籽墨魚滑 真材實料,食落去口感彈牙!
🔸️餐前小食拼盤
一坐低冇耐便會送上一碟前菜拼盤,入面有鹵牛,鹵牛舌,川式魚皮和皮蛋,特別喜歡牛舌和魚皮;前者軟腍入味,後者Q彈有口感,而且醃得非常入味,酸辣醒胃！
🔸️冬瓜豆腐海鮮原盅燉湯
每位客人都會送上燉湯一中盅,用料十分落本,以原隻大蝦,螺片和豆腐,冬瓜來燉湯 ,味道十2分鮮甜,還有陣陣的豆腐香,原汁原味! 真係好好飲啊！
🔸️北海道牡蠣海鮮拼盤
餐廳而家做緊優惠,二人同行,入座時都會送上牡蠣海鮮拼盤.海鮮拼盤有六隻生蠔和兩隻大海蝦 侍應會喺客人面前即刻冚蓋set好個Timer焗熟生蠔和海蝦,大概7至8分鐘 焗好之後,仲有專人幫你開埋蠔殼,所有生蠔都係日本直送，開蓋時陣陣蠔香,隻隻都肥大肉厚 亦有很豐富的蠔汁,入口甘香肥美,亦嚐到天然的海水鹹味,非常新鮮！客人只需加$108,仲可以任食生蠔,元貝,大蝦等海鮮都真係好抵呀！
餐廳有七種精選湯底,我點咗壽喜燒鍋🥘 , 甜甜地又多蔬菜,都幾開胃,還將雪花肥牛整到玫瑰花咁,賣相好吸引呀！餐廳用電子落單唔怕漏,用手機打開個menu,見到咁多靚和牛! 我哋兩個牛魔王一族真心覺得超爽呀！
🔹️A5熊本黑樺和牛特上霜降小排
🔹️A5熊本黑樺和牛玉子後腰肉
🔹️A5熊本黑樺和牛和尚頭
🔹️A5熊本黑樺和牛干半筋
🔹️A5熊本黑樺和牛牛頸脊
🔹️A5熊本黑樺和牛牛前胸
我最鍾意就係玉子後腰肉,特上霜降小排; 前者牛肉花紋真係非常之靚,紋理細緻平均,牛味濃郁,後者牛脂香氣濃,恍似入口即溶,真心正呀！全部和牛其實都好高質,真係淨食和牛都覺得抵呀！
還有日本佐賀名水䐁肉系列,醉玫瑰名水豚梅花肉,豚五花,肉質軟熟! 仲有一些特色鍋物,如和牛餃子,手打金鑽太極蝦滑,手打雞滑等也值得一試! menu上有超過50款的其他火鍋配料,特色小食等, 包你係120分鐘入面真係可以食到好滿足呀！
客人也可以在大雪櫃入面任拎飲品,有自家製冷泡茶,罐裝汽水,沙冰等.還有多款不同的雪糕🍨,雪條等做飯後甜品, 來個完美的總結!
餐廳日式木系設計,座位寛敞,坐得都好舒服,抽風系統暢順,食完個身都無咩邊爐味！個人覺得以四百幾蚊嘅價錢可以食到一個咁高質嘅和牛放題性價比都很高啊！
題外話/補充資料：
最好預先訂枱,特別係繁忙時段！
依家餐廳仲做緊優惠啊，四人以上有生日優惠送黃牛千層蛋糕一個（必須提早兩日前預訂）
(以上食評乃用戶個人意見 , 並不代表OpenRice之觀點。)
張貼
