螢壽司 (已結業)

行完成日銅記, 又是時候搵食。咁啱見到呢間螢壽司好似幾吸引就衝入去醫肚。 呢個鐵板炒帶子($88)個人覺得還可以, 唔算太有驚喜。不過大大粒都幾有滿足感。我地仲叫左三文魚刺身($78)同埋特大牡丹蝦刺身($80/隻)。三文魚厚切好正, 而牡丹蝦亦大大隻好爽口, 不過有少少貴。最正是個蝦頭可以加錢整埋另一樣菜式, 我就建議食客可以揀埋炸蝦頭($10/隻), 可以成個蝦頭就埋入口食, 不過小心比隻蝦吉到 熟瀨尿蝦壽司($68/件)。呢個都冇得輸, 瀨尿蝦好厚肉, 咬落仲有少少海水味, 唔錯!