塚田農場 (已結業)

其實係想黎試疏乎蛋，但見到成個menu都係美人乜乜乜，於是就叫左個美人鍋 ($380）.有成個鐵鍋咁大既骨膠原啫喱加熱後就變成鮮甜雞湯，濃而不膩，口感黏稠，充滿膠質。.雞本身蒸到八成熟，水滾放落去五至八分鐘就食得喇 ！雞肉好嫩滑不過味道比較淡，建議點醬食(有韮菜鼓油、荽茜椰子汁同芝麻醬)。除左雞肉仲有手打雞肉滑、多款蔬菜、金菇、豆腐、腐皮等，係健康之選！.+$15 追加拉麵拉麵幼身，似一蘭既拉麵😍拉麵吸晒湯既精華，非常惹味。.值得一讚既係服務好好！店員會細心講解食法，仲會幫你放料落鍋，排到靚一靚😯.疏乎里玉子燒($88) 加鰻魚($10）熱食既時候空氣感十足，軟綿綿口感似疏乎里，仲有蛋汁流岀非常濕潤。凍左再食就變左玉子燒口感，甜甜地，推介！