臻一鮨 (已結業)

過往同朋友去重慶大廈都係食咖喱，想不到地庫裝修之後開咗間日本料理，裝修雅致，環境都頗寧靜。甫坐下，侍應就奉上一壺花茶，茶壺頗有特色，茶聞起來帶點甜甜的花香。同朋友二人首先試了炸魷魚鬚，魷魚鬚炸得香脆，配上檸檬汁及沙律醬，絕對是下酒之選。吉列炸蝦卷鋪滿金黃色蟹子，賣相精緻，中間夾有青瓜，平衡了油膩感。同朋友分別叫了牛油果軟殼蟹手卷同香蔥吞拿魚蓉手卷，都很有水準。軟殼蟹剛剛炸起，配上牛油果同脆脆紫菜，吃起來充滿幸福感！玉子燒剛好售罄，就試了茶碗蒸。這裏的茶碗蒸用上松葉蟹肉，面頭有冬菇同大大粒嘅三文魚子，充滿鮮味。主食叫了黃金蟹膏海鮮湯烏冬，湯頭味鮮，食材有海蝦同帆立貝，都幾抵食。最後叫了北海道千層蛋糕配甘味卷蛋作甜品，滿足而歸。下次有機會再試呢度嘅魚生同壽司。