五要素食堂 (已結業)

今日去咗尖沙咀行街，喺The one 商場真係好多野睇，又多美食，喺三樓見到一間西餐廳都多人食，所以入去試吓💕五要素食堂，餐廳主打食西餐，漢堡包，pizza ,意大利粉。餐廳裝修簡約整潔，感覺舒適。午市套餐，平日限定12:00-16:30 ，78元，喺尖沙咀來講性價比好高。每一個午餐都有跟薯仔沙律，自家日式洋蔥湯☺️仲可以暖暖胃👏🏻最吸引我嘅都係Pizza套餐，9吋Pizza都係78元，另外套餐仲可以加$38追加一個小食，小食方面有，鰹魚芝麻雞翼，蟹肉味醬薯條，和風香松瑞可塔沙律，巴馬臣蒜牛油雞翼。今日我選擇左火腿蘑菇pizza，Pizza芝士味香濃，啱啱焗好特別熱辣辣，火腿同芝士嘅比例啱啱好，加上pizza餅底香脆，入口特別惹味。美國黑毛和牛沙律套餐，黑毛和牛份量超多，每一片和牛都好大塊，和牛肉質嫩滑多汁，入口即溶。加多片蒜片一齊食，味道層次更加豐富，每一口都覺得好好味。蔬菜亦都做得非常新鮮翠綠，清甜爽口。小食我選擇左鰹魚芝麻雞翼，雞翼每一隻都好飽滿，而且煎到啱啱好，雞皮煎到金黃色，入口芝麻味道香口，雞翼肉質嫩滑多汁。難怪餐廳坐到爆滿，除咗性價比高之外，食物品質同質素都一樣咁高，好值得