大丸和風食堂 (已結業)

同朋友去旺角剪頭髮，順便行吓街，女人街因疫情始終都係冷清，中間檔口仔好多都冇開，因此兩旁店舖中比我哋睇到一間日式料理叫大丸和風食堂，燈光明亮，裝潢設計有如日本嘅居酒屋，朋友話想試吓，我也樂意奉陪！餐廳座位以卡座為主，坐得舒服，主打日本菜，有拉麵、刺身、壽司、炸物、串燒和酒等。大蝦天婦羅，外皮炸漿又薄又脆，不油膩，蝦肉爽口。加州卷，壽司飯入面包住紫菜、蟹柳、青瓜和雞蛋，表面灑上少許橙紅色的蟹籽，口感豐富。鹽燒油甘魚鮫，非常美味嘅油甘魚鮫，最適合就係鹽燒，充滿油份而且啖啖肉，外層金黃香脆，灑上適量海鹽十分惹味。火炙黑豚拉麵，醃滷過的黑豚透過高溫直火炙燒後、將豚肉油脂逼出後所呈現的外皮微焦、內部多汁軟嫩、同時帶有微甜滷汁香氣的絕佳口感。濃郁的湯頭加上Q彈的麵條，讓人垂涎三尺！