S2 鐵板燒 (已結業)

今次同女朋友去佐敦試下 S2 鐵板燒。去食鐵板燒識坐一定係去坐吧台，夠晒氣氛，因為可細心欣賞廚師的功力，又可以同風趣嘅師傅吹下水。我嗌咗個日本十盛黑豚肉北海道松葉蟹套餐 ($450/位)，一共有十道菜，好豐富。頭盤是煙燻鴨胸沙律盛合杯，蔬菜爽口開胃，真係好期待之後嘅主菜呀。之後係三點刺身，係三文魚、八爪魚同虎蝦。北海道松葉蟹腳 X 香檳焗岩蠔。啲蠔真係係你面前用火槍燒，好狀觀。同埋蟹腳真係好鮮甜啖啖肉。呢個係日本十盛黑豚肉厚切配意大利黑醋。肉質鮮嫩，腍而入味，肉脂味濃郁，配上黑醋酸酸甜甜咁味道好夾。食鐵板燒點會少得炒飯，呢碗S2 特式黃金炒飯我就叫咗蟹肉。炒飯原來好複雜，要先炒蛋至厚身軟熟，然後再炒飯。飯炒到粒粒分明，乾身有口感，一啲都唔覺油膩。鐵板紙包蜆湯用咗餐廳特製膠袋裝著，好得意。蜆湯清甜可口，有冬菇、海帶同秋葵。香香嘅焗雜菌最後嘅甜品都係用鐵板燒做成，就係是焦糖麵包！睇住師傅將厚厚嘅麵包烘到脆一脆，再加入牛油同大量砂糖，再切成條狀，好似食薯條咁食，好鬼邪惡但又好味。