一目日本料理 (已結業)

一目爆丼 $168材料豐富，有三文魚、牡丹蝦、帆立貝、油甘魚、深海池魚、吞拿魚、劍魚腩、三文魚子，材料新鮮，肉質爽口。清酒煮大蜆 $78有淡淡既清酒味，帶出大蜆既鮮味，蜆肉冇沙，食唔停啊。燒日本魷魚筒 $78七十八蚊大大隻魷魚筒，相當抵食，燒好再淋上秘制醬汁，好惹味，係一流既佐酒小食，可惜我同朋友都唔飲酒。深海池魚刺身 3片 $88口感非常爽脆，脂肪比例適中，一點腥味都沒有，魚片透明，加上厚切，過足癮。海膽手卷 $38有2大塊海膽，出手闊綽，新鮮好味道。