日悅極尚日式放題 (已結業)

朋友們話想食個放題，之前親戚話尖沙咀日悅放題質素唔錯，上網又咁啱見到旺角開左新分店，所以一於挑戰佢😎上到去見到原來一層分三邊，有放題、燒肉、火鍋，包保捧腹而回😱大部份嘅座位都係以四人卡位為主，私隱度頗高🤗放題人流相比起其他邊少，上食物同埋收碟嘅速度都幾快，仲有就係即使過左兩個半鐘都可以繼續任食任坐😳不過韓燒嗰邊嘅抽氣系統好似比較弱，就算坐喺放題呢邊，全身都好大陣韓燒味😂👁‍🗨 晚市放題（兩個半小時）💲價錢根據日子時段有所變動（入座計）日子時段組合實在太多，價錢未能夠係度盡列，當日人均二百五十左右，以放題黎講係合理既💰自助區自助區既食物款式不過不失，見到冷盤有蝦、青口，仲有沙律🥗而甜品就有泡芙、可以任食既雀巢雪糕，飲品有熱有凍，包括茶、汽水、啤酒等等😲刺身叫左兩輪刺身，每次都一大個冰碗咁上，我地既係擺閃燈，見到有啲檯既係擺乾冰，檯檯唔同都幾有心思🤔甜蝦正常，赤貝夠爽口，三文魚、吞拿魚、北海道帶子都係新鮮厚切，最有驚喜既係🌟松葉蟹腳，每檯都有絞剪，好容易進食，肥美啖啖肉，味道好鮮甜🦀火炙壽司壽司經過火炙後多數都會比較香口，所以就算明知會飽肚，都叫左幾款黎試🤤好彩呢度全部壽司都係一口size