♥️前菜：龍卷風沙津
見個個都介紹龍卷風沙津，我又跟風試下！沙律份量相當大兜，入邊除左有沙律菜、仲有海量蟹柳、蟹籽，足夠2-3人食。沙律配上店家自調配的醬汁，甜甜辣辣好開胃。
♥️雜錦天婦羅
值得一讚既係，炸粉靚，炸物薄薄脆脆，點到即止；炸蝦入口有口感，配上店家的蘿蔔蓉天婦羅醬汁，超好味呀！
♥️烈火紅唇
Fusion壽司，上層係士多啤梨片配上店家醬汁，下層係炸牛肉配芝士，食落口感實在，好咬口，兩者都幾夾！味道酸酸甜甜，的確幾吸引。
♥️火山
依個應該係全晚的重點！內有帶子、南瓜、牛油果、蟹柳，再配上店家的食用酒精燃燒，口感爽口，綜合幾款食材壽司的味道份外清新，食到停唔到口，CP值極高！
