SENSU (荃新天地) (已結業)

荃灣嘅美食真係好多 今日再次嚟呢間喺荃新天地嘅餐廳👻餐廳以cafe嘅風格為主 有卡位同高檯 仲有一啲打卡位俾人影吓相 我都同我個港女女友影咗好多張相😬明太子大蝦意大利麵 麵嘅擺盤幾特別 係放喺碟嘅中間 大蝦有四隻 食落都爽口 明太子嘅味道唔算好突出 不過個汁都幾creamy😗炙燒三文魚丼 色彩好繽紛嘅丼飯 三文魚炙燒完仲好嫩滑 仲食到有微微嘅三文魚油 配埋旁邊嘅粟米 紫菜 紫洋蔥同青瓜粒 撈埋啲飯一齊食口感幾豐富 醬汁既味道有柚子味 因為女朋友麻麻地柚子味 所以食落口都嚇咗一跳😮 不過坦白講味道唔算太差 只係飯嘅份量真係偏少 有啲唔夠飽😂之前第一次嚟呢間餐廳係為咗佢嘅hello kitty甜品 而家已經冇咗㗎啦 不過都順便介紹埋啦 甜品名叫甜蜜時光 其實係一個士多啤梨拿破崙🍓 成碟甜品最值錢就係嗰一粒Hello Kitty造型嘅朱古力😂 拿破崙嘅餅底唔夠脆 可能係因為影得太耐相 不過都冇期望佢會好好食 主要都係打卡多過食㗎啦🥸