Favilla Cafe (已結業)

「 和式全日早餐—蒲燒鰻魚味噌炒蛋吐司」 ($128)評分：7/10.味道上唔伏，但係份量同材料有待改善嘅全日早餐😯 可以話系所有嘢嘅功架都唔夠先讚後彈啦，將炒蛋同塊鰻魚疊上塊多士上面食的確係幾過癮同好味嘅。多士有淡淡牛油香味，同鰻魚同蛋一齊食飽腹感一流!雖然望落好似幾靚同豐富但細心睇就會發現設計早餐嘅心思真係唔夠。雖然話係和式，但除咗條鰻魚同日本料理有關之外，其餘一切嘅配料都冇任何和風嘅影子。香腸更加連一條完整嘅都懶得俾，只係係咁二切咗兩片出嚟😥 俾咁貴食份早餐其實需唔需要咁孤寒呢? 😑 薯仔沙律一樣都只有一小堆，剩餘嘅位置就將一大束沙律菜填滿佢就草草了事😐顯現系想慳成本嘅做法? 但既然店家都明顯地係行緊精品早餐路線點解唔落手重啲真係加入多啲唔同嘅早餐配料元素?炒蛋雖然嫩滑，但系散修修嘅，可見炒蛋嘅技巧一樣有待改善。順道一提，塊多士自己本身都有問題，完全唔脆，啱啱整好拎上枱已經淋晒，呢啲細節位全部都被扣晒分