The Artlab by Favilla (已結業)

如果没有朋友介紹，我真係唔識來，其實間舖離官塘地鐵站好近，只不過5分鐘時間，但由於喺工厦入邊，仲要行好長一條走廊先至由A座來到B座再上6樓。上到來豁然開朗，好正。就咁睇，好似一間花店，而事實D花係真係可以賣嘅。食物選擇唔算太多，有三個All Day Breakfast，同埋D lunch 定食配埋飯及湯。全日早餐分為和式，洋式及素式三種。但現場所見，好似D人都揀和式全日早餐，當然包埋我。和式早餐請看以下圖片，有蒲燒鰻魚，味噌炒蛋，香腸，是日沙律，牛油吐司，而溏心蛋加咗12蚊就有一個。鰻魚唔係太大舊，但肉厚味濃好滋味而鮮奶抹茶有拉花，茶味濃郁也是重點，推介。