影片
更多
2018-08-09
149 瀏覽
臨去峇里結婚之前, 老公話點都食返餐好既💕💕但又只係話去銅鑼灣食好野，又無講食咩, 好喇~ 咁就交哂比你決定喇.去到登龍街既midtown, 架電梯一路上先知, 我地係去食kuro日本餐廳, 之前有同佢講過話想食, 但佢話好貴遲D先食, 以為佢唔記得左, 點知今日就帶我黎!!!😍.餐廳燈光比較昏暗. 係走型格高級路線。餐廳其中一面係全落地玻璃, 可以眺望維港景色剩係個景已經夠殺_____________________叫左個二人set, 基本上都有哂我想食既野咁濟$798 + 10%.🔹輕燒帆立貝佐牛油果.黑魚子的骰又精緻既前菜，大概兩口既份量.輕煎帶子無乜加鹽，突顯出黑魚子既鮮味，帶子本身亦好清甜，而微溫既帶子令牛油果既口感變得更creamy。.底部用脆餅盛住，一硬一軟既口感相映成趣。.🔹大藍洞其實係擺盤非常精緻既6款刺身，包括：吞拿魚赤身，平政魚，三文魚，左口薄切，牡丹蝦，赤貝；圍住中間藍色既豉油。.藍色鼓油我真係第一次見，店員話係加左藍苺素造出黎，食落口味道係偏淡既鼓油，帶輕輕既甜味，刺身沾完會變成藍色，影相幾特別，但個人都係比較鍾意沾傳統日本鼓油。.刺身好新鮮，亦唔會有筋。味道
臨去峇里結婚之前, 老公話點都食返餐好既💕💕
但又只係話去銅鑼灣食好野，又無講食咩, 好喇~ 咁就交哂比你決定喇
.
去到登龍街既midtown, 架電梯一路上先知, 我地係去食kuro日本餐廳, 之前有同佢講過話想食, 但佢話好貴遲D先食, 以為佢唔記得左, 點知今日就帶我黎!!!😍
.
餐廳燈光比較昏暗. 係走型格高級路線。餐廳其中一面係全落地玻璃, 可以眺望維港景色
剩係個景已經夠殺
_____________________
叫左個二人set, 基本上都有哂我想食既野咁濟$798 + 10%
.
🔹輕燒帆立貝佐牛油果.黑魚子的骰又精緻既前菜，大概兩口既份量
.
輕煎帶子無乜加鹽，突顯出黑魚子既鮮味，帶子本身亦好清甜，而微溫既帶子令牛油果既口感變得更creamy。
.
底部用脆餅盛住，一硬一軟既口感相映成趣。
.
🔹大藍洞
其實係擺盤非常精緻既6款刺身，包括：吞拿魚赤身，平政魚，三文魚，左口薄切，牡丹蝦，赤貝；圍住中間藍色既豉油。
.
藍色鼓油我真係第一次見，店員話係加左藍苺素造出黎，食落口味道係偏淡既鼓油，帶輕輕既甜味，刺身沾完會變成藍色，影相幾特別，但個人都係比較鍾意沾傳統日本鼓油。.
刺身好新鮮，亦唔會有筋。味道黎講比較鍾意食左口薄切，平政魚，魚味突出，而牡丹蝦大大隻，好有肉地。
.
🔹雜錦天婦羅有蕃薯，茄子，青椒仔，魚仔，同炸蝦。有爐蝦喺度，基本上其他都係配角，炸皮唔會好厚，蝦肉超級爽口彈牙。
.
🔹黑鱈魚蟹燒鱈魚好厚身，煎完唔會散開，肉質好嫩滑，而且煎得非常香，面頭再塗滿煮過既蟹膏，味道係磯丸水產甲羅燒嗰種香味，非常好食好有驚喜。
.
🔹黑松露炒黑豚肉石鍋飯黑松露份量剛剛好，夠撈一整碗，但味道唔會過強。黑豚係半肥瘦，香口得黎又夠嫩。
.
🔹黑豆黑糖牛奶布丁最後係是日甜品，我唔敢包如果其他朋友仔黎都係食到佢。黑豆偏甜，而黑糖只係微甜，牛奶布丁幾有奶味，剛好配合，相當好味。
.
🚩總結: 食物質素擺碟同環境都好唔錯！原本驚唔夠食，點知食落都幾飽，作為結婚前既紀念，完全收貨！
張貼
