玖零冰室

營業中

休息中

做完Facial已經到食晏時間，見到呢間應該係新開嘅冰室，裝修以白色為主帶點Cafe感覺，門口寫住日本🇯🇵產米使用，入去試吓先。午餐有日式蛋包飯、烏冬、意粉等不同選擇，我哋睇咗一陣，我就點咗：🐷🧀日式咖哩蛋包飯（吉列芝士豬扒）$60，飲熱奶茶+$6份量都好大，滑蛋整得幾靚幾滑，炸至金黃嘅豬扒，口感帶點鬆脆，中間夾住芝士，整個口感多元，甜甜地嘅日式咖喱，送飯真係一流。朋友就點咗：🍅🐖豬八戒蕃茄濃湯稻庭烏冬$58，飲熱奶茶+$6個名好有趣，其實係豚肉加日式叉燒，而且豚肉及叉燒份量都多，滑嘟嘟嘅烏冬配埋以新鮮蕃茄做嘅湯底，唔錯。奶茶都幾濃滑。