牛牛日式火鍋放題 (北角匯二期) (已結業)

今次俾我一個幾好嘅體驗！個紙火鍋好特別，用竹籃裝住張紙，然後喺上面打邊爐。張紙煮唔爛，仲可以吸收火鍋湯底嘅油脂。🍯💰佢哋仲提供120分鐘任食，價錢禮拜一至四係$368，周末係$378，包埋湯底同埋唔同種類嘅配菜。我好鍾意呢度坐得好舒服，唔會逼住晒，冷氣又夠涼。😌我哋揀咗壽喜燒湯底同埋豬骨湯底，仲有好多唔同嘅海鮮，炸物可以揀，真係要1Tb胃先得😂😂🍄‍🟫🍄佢仲送咗一個雜菌拼盤，有好多唔同嘅菇菌，黑舞茸、金耳菇同埋白玉菇，個質感非常新鮮，同埋好有嚼口。🍖🥓🥩肉類方面，佢真係好高質，全部都係靚嘢。我鍾意M6澳洲和牛同埋西班牙伊比利亞豬肉，非常嫩滑，而且肥瘦剛好，煮完再沾少少醬汁嚟食，真係一流。