影片
更多
2022-01-28
81 瀏覽
同事介紹apm入面開左好多新食店，其中一間係二樓嘅外賣店，同事話好正叫埋一齊去試下喎，於是今日就黎左。自己叫左個咖哩餐，同事要生酮所以走飯，散點左幾樣野，叫完企埋一邊等拎了。店內有兩位店員，見佢地密密手入盒包裝，好快就搞掂啦。本來拎返公司食，但見個美食廣場無乜人大把吉枱，仲有唔少人食自己野，咁我地食呢間一汁一菜嘅外賣都唔過份啫？Sry，一有人等我哋一定還枱。上面三杯係我的，蔬菜杯同盒仔就係同事嘅，個啲杯係紙做的，其他就係膠，感覺無發泡膠咁唔環保。野菜沙律杯有生菜，青瓜片，紅蘿蔔片，紅椰菜等，顏色好吸引，最特別係有奇異果片，仲要唔酸，菜新鮮爽口，跟餐叫仲有優惠價添。兩個盒係五彩野菜濃豆腐拌同蕃茄芝士菠菜雞肉卷，前者有豆腐，油豆腐，紅蘿蔔，菠菜，本菇同蒟蒻等，用少許麻油調味，香口又好味。後者就同佢個名一樣嘅食材煮成，開盒個陣仲燙手㗎，芝士半瀜好正。自己份Set C就揀左一汁一菜和牛羅宋湯同濃香牛肉野菌咖哩飯，羅宋湯同港式嘅都幾大份別，好重蕃茄味，入面有幾大舊牛肉，仲有薯仔，紅蘿蔔，攪攪下仲有片檸檬同蒟蒻，個湯好杰身好足料，淨係飲佢都飽左大半。至於咖哩呢就似一般日式咖哩咁係唔辣嘅，牛肉同樣大
自己叫左個咖哩餐，同事要生酮所以走飯，散點左幾樣野，叫完企埋一邊等拎了。
店內有兩位店員，見佢地密密手入盒包裝，好快就搞掂啦。
本來拎返公司食，但見個美食廣場無乜人大把吉枱，仲有唔少人食自己野，咁我地食呢間一汁一菜嘅外賣都唔過份啫？Sry，一有人等我哋一定還枱。
上面三杯係我的，蔬菜杯同盒仔就係同事嘅，個啲杯係紙做的，其他就係膠，感覺無發泡膠咁唔環保。
野菜沙律杯有生菜，青瓜片，紅蘿蔔片，紅椰菜等，顏色好吸引，最特別係有奇異果片，仲要唔酸，菜新鮮爽口，跟餐叫仲有優惠價添。
兩個盒係五彩野菜濃豆腐拌同蕃茄芝士菠菜雞肉卷，前者有豆腐，油豆腐，紅蘿蔔，菠菜，本菇同蒟蒻等，用少許麻油調味，香口又好味。後者就同佢個名一樣嘅食材煮成，開盒個陣仲燙手㗎，芝士半瀜好正。
自己份Set C就揀左一汁一菜和牛羅宋湯同濃香牛肉野菌咖哩飯，羅宋湯同港式嘅都幾大份別，好重蕃茄味，入面有幾大舊牛肉，仲有薯仔，紅蘿蔔，攪攪下仲有片檸檬同蒟蒻，個湯好杰身好足料，淨係飲佢都飽左大半。
至於咖哩呢就似一般日式咖哩咁係唔辣嘅，牛肉同樣大大塊，已炆腍同半肥瘦，入口重牛味又有牛脂，正。望落個杯唔大，但原來超多料又多汁，個人覺得share食都夠。
白飯係珍珠米，同樣個杯唔大但其實好多飯，正常一碗size。又湯又餸又有飯，估唔到咁飽喎，最神奇係我覺得個杯好似好弱雞咁，原來咁實淨，裝湯裝汁都完全唔漏，仲好保溫，打開個蓋入面啲餸係燙手㗎。
張貼
