曜 (已結業)

呢間樓上割烹店聽聞有來自兵庫縣姫路嘅和牛，A5+級BMS達至12，完美嘅油花比例，喺香港少見，呢隻和牛唔止有好香肉味，仲唔會覺得漏，因為姫路牛係自由放養，每隻都係一歲半就推出市場。原來午市套餐已經有A4牛食抵好多。頭盤今日有嗰花膠雞湯凍配柚子汁，酸酸地啱曬夏天。之後有個蟹皇茶碗蒸同埋鯛魚濃湯。茶碗蒸分別有大閘蟹同埋松葉蟹肉。鯛魚湯係純正嘅魚味，冇加胡椒同薑。除咗和牛，佢仲有個燒白鱔，白鱔先蒸後燒，肉質淋滑。而個炒飯都不得了，係用和牛炒成金鑲銀，啖啖油香。其實呢度嘅除咗割烹，更加似私房菜。客人可以係預訂話比師傅知道想食咩唔想食咩，設計一個自己鍾意嘅menu，都係每位$1000起，豐儉由人。每逢星期一至三老闆仲會請大家免費飲sake，飲到夠為止。所有酒杯都係喺日本各地逐對逐對買返黎，非常特別。