石一燒 (富多來新邨一期) (已結業)

好耐之前有聽朋友係日本食過用石燒嘅用，又係剛剛係呢頭做完嘢，見到openrice有呢間，就決定食呢間。經過上次不快回憶，都係好好認真搵嘢食。都唔算難搵到，係奧海城行過去好快，好彩有google咋(/ω＼)唔知點入手揀嘢食，店員好細心介紹每款食物，都有推介，我地兩個人叫咗牛同豬。加20元原有一個set，有飯湯沙律，幾抵喎牛板腱正，放上去每邊煎30秒就ok，一口咬落去感覺入口即溶。雖然有啲肥，但真係好味。我自己覺得唔駛再加鹽或點豉油，佢係石上面已有小小鹽同胡椒，其實都幾夠味。豬頰肉我第一次食，覺得好特別，佢唔會肥，而且小小QQ，唔會係鞋個種。我自己幾喜歡呢份豬，出邊好少見有得食豬頰肉。兩份都係4安士，我地已經好飽，每人唔駛200，又有得燒下燒下咁，不錯。