坐忘

營業中

休息中

有晚夜媽媽去完大酒店，打算食埋飯先返屋企。鰂魚涌呢頭人生路不熟，見到邊間個樣好啲就入去食個便飯。行去坐忘門口，見到貼左好多介紹，標榜健康日式咖喱，又好多蔬菜配菜，咁就入去試下。入面舖仔細細，好似日式家庭小店咁，加上過晒晚市冇咩人，坐得好舒服。睇完餐牌點左個黑芝麻咖哩牛肋飯。上菜見到份量都唔細，有好多雜菜，平日出去食咖哩飯係冇咩機會食到咁多菜，即刻自覺健康左！講返個飯，飯入面加左粟米，個汁有淡淡芝麻味，少少辣，唔係平時甘口日式咖哩。牛都幾淋同埋好大舊，食到尾有點漏得濟，下次會去試下十五種雜菜咖哩飯！