牛石料理 (已結業)

呢一日約咗幾個舊朋友食飯，有啲朋友住東，有啲朋友住西，而家最好啦有屯馬線，一於純個中間點九龍城，睇個舖頭名以為主打係食牛，但係其實佢啲海鮮刺身壽司等等都相當之唔錯，所以我哋決定兩樣都試下，海鮮刺身又食吓，烤牛肉又食吓，先講佢個海鮮刺身拼盤，都幾新鮮，而且款式都幾多，一共有八款時令海鮮，前菜就嗌咗牛蒡，食日本菜最鍾意就係食呢個，到牛肉啦，嗌咗一個和牛雜錦拼盤，有伊藤和牛 A4 西冷、伊藤和牛 A45肉眼背峰，有伊藤和牛 A5 肉朖，擺出嚟嘅時候比較一下，唔同和牛，脂肪比例真係唔同，食落口嘅口感都好唔同，真係有入口即溶嘅感覺，真係幾正，最欣賞佢呢度有曬標籤畀大家睇，另外有嗌多一個魷魚啦，整體嚟講都幾好味，不過價錢都唔平架。