伊賀日本燒肉料理 (已結業)

又係同一班中同食野傾偈嘅時候，今次揀左食放題。左搵右搵，其中一個friend話要試下TST呢間伊賀，估唔到又幾好食！呢度用ipad落單，有幾多category下，又環保又多野揀💁🏻‍♀️我同另一個朋友到先，叫住一碟食住先。五花腩幾肥美，燒落好香口。咁多種肉，我最中意牛仔骨、五花腩同辣雞翼。牛仔骨舊舊都係有少少脂肪喺肉同骨中間，正啊！辣雞翼好惹味，食左好多隻💁🏻‍♀️燒肉以外，估唔到佢啲刺身同壽司都唔錯，係新鮮嘅，不過啲壽司飯就凍左少少。整體質素幾高，又坐得舒服，單都黎得好齊，甜品仲有Movenpick食，好驚喜啊😍