影片
更多
2022-08-22
46 瀏覽
今次去咗旺角瓊華呢一間日式居酒屋裝修嘅燒肉店，我就揀咗第二級極上牛小排海鮮放題。我貪佢呢度坐位夠大，有大量係卡位，就算四個人都坐得好舒服。手機落單，上菜速度極快。一陣間已經成檯都係食物，Default會上一盤牛肉，之後再上啲牛肉質素都一樣，一啲都唔hea。最鍾意佢個爐嘅設計，夠熱得嚟，旁邊個抽風口又夠力，唔會攪到成身都係油煙。牛肉部份有牛小排、牛頸、牛板腱、牛舌、牛肋條、封門柳，可以order時點原味、燒肉汁或者辣味醬汁，亦可以用檯上面嘅鹽同黑椒調味。另外海鮮亦有蠔、帶子等，亦有雞肉、豬肉等選擇。茶飲汽水任飲之外亦可以加錢任飲生啤。甜品都唔馬虎、個綠荼麻糬好好食，質素可以係甜品店賣。食足120分鐘，最後仲一人一盒MOVENPICK雪糕。食得開心。
今次去咗旺角瓊華呢一間日式居酒屋裝修嘅燒肉店，我就揀咗第二級極上牛小排海鮮放題。我貪佢呢度坐位夠大，有大量係卡位，就算四個人都坐得好舒服。
手機落單，上菜速度極快。一陣間已經成檯都係食物，Default會上一盤牛肉，之後再上啲牛肉質素都一樣，一啲都唔hea。
最鍾意佢個爐嘅設計，夠熱得嚟，旁邊個抽風口又夠力，唔會攪到成身都係油煙。
牛肉部份有牛小排、牛頸、牛板腱、牛舌、牛肋條、封門柳，可以order時點原味、燒肉汁或者辣味醬汁，亦可以用檯上面嘅鹽同黑椒調味。
另外海鮮亦有蠔、帶子等，亦有雞肉、豬肉等選擇。茶飲汽水任飲之外亦可以加錢任飲生啤。甜品都唔馬虎、個綠荼麻糬好好食，質素可以係甜品店賣。
食足120分鐘，最後仲一人一盒MOVENPICK雪糕。食得開心。
張貼
