影片
更多
2016-03-11
543 瀏覽
一直都想去盛八試下佢既日式燒肉，但無的起心肝，直至最近知道佢出左任點任食，價錢由$198起，真係好抵呀！一於搵埋細妹去試。我閒日夜晚七點黎到，價錢$228/位，包左一客「澳洲黑毛和牛」，加$30可以升級到「日本受賞鹿兒島和牛」，人一世物一世，就升級一份啦！其他仲有三版餐牌既食物可以任叫，有齊前菜、炸物、沙律、豆腐、肉類、海鮮、湯、飯、麵、蔬菜、甜品同無酒精飲品 (想飲酒精飲品另加$50)。兩份和牛先黎，可以見到油花分布好平均，好野黎。先食塊澳洲黑毛和牛，正！勁腍，一放入口即時滿口油香，完全無筋，好好食！阿妹話，鹿先島和牛仲正呀！唔係卦，仲可以再好味D？即刻夾入口，果然更加嫰滑，而且入口即溶，只係加$30咋，我覺得好值得！講番個汁，有三款，由下而上分別係果味燒汁(點牛肉)、檸檬醋(點海鮮)、鹽蒜汁(點豬肉)，感謝侍應先生既細心介紹，三種汁料果然各有特色！跟住就要試下其他肉食啦，單係牛肉，就已經有唔同既部位可以試，好多選擇；醃料方面，主要有岩鹽青檸、鹽葱、燒汁、韓風辣醬呢幾種。第一盤，先黎岩鹽青檸手羽先、鹽葱雞腿肉、燒汁牛胸腹、燒汁牛肋骨、鹽燒牛舌。其實樣樣都好味，而我特別想推薦「岩鹽青檸
我閒日夜晚七點黎到，價錢$228/位，包左一客「澳洲黑毛和牛」，加$30可以升級到「日本受賞鹿兒島和牛」，人一世物一世，就升級一份啦！其他仲有三版餐牌既食物可以任叫，有齊前菜、炸物、沙律、豆腐、肉類、海鮮、湯、飯、麵、蔬菜、甜品同無酒精飲品 (想飲酒精飲品另加$50)。
兩份和牛先黎，可以見到油花分布好平均，好野黎。先食塊澳洲黑毛和牛，正！勁腍，一放入口即時滿口油香，完全無筋，好好食！阿妹話，鹿先島和牛仲正呀！唔係卦，仲可以再好味D？即刻夾入口，果然更加嫰滑，而且入口即溶，只係加$30咋，我覺得好值得！
講番個汁，有三款，由下而上分別係果味燒汁(點牛肉)、檸檬醋(點海鮮)、鹽蒜汁(點豬肉)，感謝侍應先生既細心介紹，三種汁料果然各有特色！
跟住就要試下其他肉食啦，單係牛肉，就已經有唔同既部位可以試，好多選擇；醃料方面，主要有岩鹽青檸、鹽葱、燒汁、韓風辣醬呢幾種。第一盤，先黎岩鹽青檸手羽先、鹽葱雞腿肉、燒汁牛胸腹、燒汁牛肋骨、鹽燒牛舌。其實樣樣都好味，而我特別想推薦「岩鹽青檸手羽先」，雞翼夠滑，有青檸香味，酸酸甜甜，非常清新！另外「鹽燒牛舌」都好好，非常薄身，質感爽口得黎有油份，好食到要再encore！不可不試既，仲有呢度好出名既「燒汁牛肋骨」，廚師用特製醬汁醃製過，入口酥軟，好食！
食完名物，再食一D特別既肉款，上圖係「五色胡椒一口牛舌」，下圖係「芝士櫻花黑豚」。呢款牛舌唔同剛才既薄切，而係厚厚既一粒，上面灑滿五色胡椒，都幾辣下，食辣既朋友必點；而黑豚肉就充滿芝士粉，肥肉部分油而不膩，爽口惹味，係芝士怪既恩物！
淨食肉唔得既，所以我地仲點左「香草牛油燒大磨菇」同一客南瓜，餐廳會俾你一個有牛油既錫紙碗，連碗放到爐上燒，夠晒原汁原味。南瓜清甜，磨菇夠厚肉，好有菇既香味！
當你食到開始飽，食呢個「雙色雙籽龍蝦沙律冷豆腐」就最啱，皆因佢係冷盤，可以凍一凍個口腔之餘，美味既龍蝦沙律亦可以好好咁刺激一下味蕾。
食到尾聲，梗係唔好放過佢既甜品。甜品係兩款雪糕：「盛八淇冰」VS「豆腐雪糕」，邊個會勝出呢？前者係雲呢拿雪糕，灑上黃豆粉同焦糖醬；後者就係豆腐味好突出既雪糕，個人較喜歡豆腐雪糕，清甜有豆味，正斗！
加$50飲酒精飲品值唔值呢？其實如果你係飲得之人，都實在係好抵，因為呢度既酒類選擇都幾多，包括汽酒、紅酒、白酒、啤酒、清酒等等，50蚊任飲喎，送燒肉都幾正。我點左巨峰汽酒同西柚汽油，巨峰有豐富既提子甜味，好啱女仔飲；西柚就比較苦澀，如果你唔太鍾意甜，呢個會係好選擇。以呢個價錢食到咁多高質日式燒肉，我覺得性價比好高，值得推薦！
張貼
