牛一 (利港商場) (已搬遷) 新店位置

呢間表姐之前試過說不錯，近排天氣反覆地凍，於是同屋企人一齊去試試。我地成家都是「牛魔王」，這邊可以食牛食到回本。而且我地喜歡它們的牛肉不會切到如紙一般薄，有點嚼勁，口感不錯。食了非常多肉，幸好配料吧有多款蔬菜Balance番，茼蒿，翡翠苗，連羽衣甘藍都有，這個有令我感到驚喜。湯底一邊是辣得過癮的中華麻辣湯，最適合無辣不歡的我。另一邊是給爸媽吃的，不辣的蕃茄豚骨湯，各有千秋，個人認為麻辣湯更愈滾愈辣得起勁，當牛肉吸收了辣湯精華，更加滋味。雪糕竟然有好立克味，超開心呢，由細到大都好鍾意飲，變左做雪糕就更加好味，還有好多配料，好滿足。總括來說，牛肉有質素，配料區有很多東西食，而且可以任飲任食啤酒汽水, 雪糕乳酪, 但個人覺得90分鐘食得Chur左少少，不過我會再來吃的，至少經濟實惠，環境亦坐得舒適。