相馬日式火鍋 觀塘 (已結業)

今日夜晚行開觀塘，決定食呢間放題火鍋湯底《番茄湯》《泡菜湯》💛兩個湯底都好濃郁，番茄湯好清甜，泡菜湯就辣中帶酸，非常好味《海鮮》💛有蠔、大蝦、蟹棒之類超多選擇！完全唔鮮，極新鮮！《炸物》💛唔係炸定，而係即叫即炸！黎得好快，超級酥脆惹味！《牛肩胛》💛跟餐既牛肩胛牛味香濃，油脂豐富，非常嫩滑爽口！《雞腿肉》💛肉非常大舊，唔會有騷或者腥味！《豚肉》💛豬味非常突出，同泡菜鍋好夾！《單骨雞翼》💛口味非常多選擇！單骨好方便食！亦都係即叫即整，所以非常好食！整體黎講嘢食算係好新鮮，而且種類選擇好多，無論係自己涮定係餐廳整比你既選擇都有好多，上菜速度亦都好快，真係可以食到好飽😂