Mokuola

同朋友報完旅行團8點幾，就係附近搵野食，見到有間食漢堡扒，又啱啱好有位，就走左入去。


我哋三個人，朋友叫咗個漢堡扒意粉，另一個就叫咗個咖喱漢堡扒飯，而我就叫咗個厚切豬扒意粉。佢哋呢度個套餐就唔包野飲嘅要另加錢，但包埋沙律同薯條一齊上。沙律同薯條呢都正常嘅，但係朋友就話漢堡扒煮得又硬又乾，冇想像中咁好食。而我塊豬扒就ok，但個意粉d汁唔夠，要另外問佢攞😮。


其次朋友個意粉佢上錯左飯，就另外俾多碟意粉佢，誠意滿分💯。總括而言，算是一般水平，不過不失。