Peko Peko Eatery (勝利道) (已結業)

雨天其實最易搵好餐廳搵好位食飯，今次黎到何文田既Peko Peko Eatery。白色墻身，木色檯凳，環境舒適，感覺清新自然。望望餐牌, 食物選擇都算多，有埋甜品。Spring Garden擺盤精緻，賣相靚。面上兩朵花，有ham，蜜桃，提子，番茄仔🍅海鮮南瓜批海鮮白汁滋味，解開南瓜頂蓋，可以見到朵黃色小花，裡面滿載蝦，帶子，青口等海鮮。南瓜粉粉的甜甜的。味道有驚喜，好吃😋。 黑醋樱桃蕃茄黑醋配蕃茄味道清新可口。粟米流心芝士波外層脆脆，芝士味唔算弄濃，但芝士配粟米滋味可口。甜品焦糖燉蛋蛋糕配自家製雪糕配埋黑炭雪糕， 蛋糕甜度剛好，微帶焦糖香。整體而言， 食物滋味，環境舒適，值得舌尖再遊。