和氣火山石手打烏冬 (已結業)

我地行街行到累，就去左附近食晚飯，都係選擇左日本野，因為自己一向喜歡日本野。首先黎份沙律，呢份沙律我最喜歡佢落左隻溫泉蛋，即刻令整份沙律更加滑，加埋脆多士粒，令口感又更加脆口，都幾開胃。主菜當然係日式刺身飯啦，三文魚粒同吞拿魚粒切角食就梗架啦，八爪魚粒又夠爽，加埋魚子大大粒好似糖咁係口裡面醬爆，非常非常多魚油，oishi!最後試埋份烤紫薯，紫薯粒皮脆而肉甜，而且又夠乾身，係頗佳既飯後甜點。