1
咖喱豬軟骨定食 $92
豬軟骨燉煮得恰到好處，肉質鬆化，軟骨位仍然保持到有少少咬口；日式咖喱偏甜，辣度係小朋友都食到🍛，珍珠米飯粒粒飽滿。配餐的味噌湯暖笠笠，沙律清新爽脆🥗，枝豆鹹香，整體份量充足且風味協調，呈現出日式定食的細緻講究。
嚴選豆腐牛肉鍋（關東風壽喜燒湯底）$158
關東風湯底用咗濃口醬油同味醂調和，甜鹹融合得嚟層次分明，湯底飲到最後都唔會口渴。美國肥牛份量都唔少，點埋日本雞蛋漿入口順滑咗😋。鍋底嘅木棉豆腐係靈魂所在，吸盡湯汁精華，咬落有豆香同湯汁二重奏。其他配菜種類都非常多，有芋絲、娃娃菜、波菜、菇👍🏻。
