影片
更多
2010-05-09
5 瀏覽
除了喜歡壽司跟拉麵之外，也喜歡吃日式炸物，日式炸物跟港式炸物不同之處是日式炸物的炸漿不會太厚，所以入口不會太過油膩，而這天選了日式餐廳是豚組。六個人叫了沙律、兩個套餐（炸和牛粒＋吉列雞、炸大蝦＋炸蠔、炸芝士雞肉卷x2）、芝士豚肉、刺身拼盤、凍豆腐。刺身拼盤：我知道我知道係炸物出名的地方叫刺身係有點怪，不過朋友想食，又點可以唔叫？刺身拼盤有（三文魚、吞拿魚、帆立貝、生蝦、八爪魚）X 3片，三文魚同吞拿魚都是厚切，朋友食過話還可以，我自己試了帆立貝同八爪魚，兩樣都新鮮，但味道唔夠濃。沙律：大蝦小柱芝麻醬沙律。蔬菜新鮮，而大蝦同小柱亦好好味，不過最好味的是芝麻醬，充滿濃濃的芝麻香，食完沙律仲可以點菜絲食，絕對抵食。凍豆腐：凍就夠凍，但不夠豆味，而且不夠嫩滑，完全不值得付出$28。入正題，炸野方面，自己試過炸和牛粒、炸蠔同芝士豚肉。炸和牛粒：牛肉味欠奉，而外皮跟內餡是分開的，下次唔駛再試。炸蠔：同港式炸蠔不同，無厚厚的炸漿，而且蠔味濃郁同無潺味，入口更加無油膩感。可惜跟餐只有兩隻，下次會試下可唔可以單點炸蠔。芝士豚肉：外表似一塊平平無奇的豚肉，但刀一切的時候，內裡的芝士立刻湧出來。不過亦由於芝
六個人叫了沙律、兩個套餐（炸和牛粒＋吉列雞、炸大蝦＋炸蠔、炸芝士雞肉卷x2）、芝士豚肉、刺身拼盤、凍豆腐。
刺身拼盤：我知道我知道係炸物出名的地方叫刺身係有點怪，不過朋友想食，又點可以唔叫？刺身拼盤有（三文魚、吞拿魚、帆立貝、生蝦、八爪魚）X 3片，三文魚同吞拿魚都是厚切，朋友食過話還可以，我自己試了帆立貝同八爪魚，兩樣都新鮮，但味道唔夠濃。
沙律：大蝦小柱芝麻醬沙律。蔬菜新鮮，而大蝦同小柱亦好好味，不過最好味的是芝麻醬，充滿濃濃的芝麻香，食完沙律仲可以點菜絲食，絕對抵食。
凍豆腐：凍就夠凍，但不夠豆味，而且不夠嫩滑，完全不值得付出$28。
入正題，炸野方面，自己試過炸和牛粒、炸蠔同芝士豚肉。
炸和牛粒：牛肉味欠奉，而外皮跟內餡是分開的，下次唔駛再試。
炸蠔：同港式炸蠔不同，無厚厚的炸漿，而且蠔味濃郁同無潺味，入口更加無油膩感。可惜跟餐只有兩隻，下次會試下可唔可以單點炸蠔。
芝士豚肉：外表似一塊平平無奇的豚肉，但刀一切的時候，內裡的芝士立刻湧出來。不過亦由於芝士湧出來的緣故，好難食到芝士+豚肉，只可以用豚肉去沾芝士食。雖然有缺憾，但都是十個好味，下次可能要試下自己食一個，一啖一啖咬落去。
食物方面很滿意，而環境亦值得讚許，燈光的光度令人感到十分舒適（之後先知原來坐對面的朋友是被燈照住，完全跟我坐的那一面相反）。而在場光顧的人士都不太嘈，適合大家傾心事。
最後，六個人太約 $860，以這個價錢得到這些服務、食物、環境，我是願意再去的。
張貼
