都好耐冇食啦，每次嚟到我都會食佢嘅特價壽司。今日嘅特價壽司係，特大帶子壽司，帶子好大件， 先係賣緊11蚊一件，咋好抵食！
我例牌都會叫返個刺身拼盤，有三文魚，甜蝦，鯛魚，北寄貝，希靈魚子同魷魚，每樣兩件先賣88蚊咋！
我其實唔算太餓叫咗個刺身沙律冷麵，媽咪就大食啲叫左個三文魚魚子飯。 冷麵真係好彈牙，配埋沙律醬同魚生，雪雪聲就食曬啦。而三文魚子飯都相當入味，煮熟嘅三文魚又有另一番風味。呢到一個煮食都係60蚊咋，好抵食！
令人驚喜嘅係，呢度仲有甜品食添呀。每食夠100蚊就可以用五蚊加一個甜品，真係超抵！我哋叫咗柚子蛋糕同香桃蛋糕，雖然說不上係上上品，但係諗起只係5蚊件，食起上黎津津有味！
最後，留返江戶前嘅收據，今次消費嘅10%可以當作現金卷下次使用，可以話免左加1，相當吸引！好期待再黎幫襯
