大喜屋 (已結業)

銅鑼灣呢個黃金地段，寸金尺土竟然有二百蚊鬆啲嘅放題食，真係非大喜屋莫屬。食放題經常都要自己走嚟走去攞嘢飲， 好頻撲，但係呢間完全唔駛，只要坐響度剔紙仔，食物同嘅飲品都會有人奉上，令客人可以食得輕輕鬆鬆，自自在在，非常適合我呢種懶人。呢度嘢飲選擇同其他放題店有啲唔同，最特色嘅地方就係有3款特色飲品可以任飲，同埋唔使自己頻頻撲撲出去攞。 三款裏面飲咗兩款，一個係葡萄汁，一個係百香果特飲， 兩杯都好清香，尤其係百香果個杯，好清好香好甜，亦好夠冰凍，好有一種消暑嘅感覺，兩杯都好好飲。呢間放題另一重頭戲，就係……有花膠同燒原條黃花魚，真係好罕見，花膠煮得好入味食落好爽口鮮甜， 雖然一客只有一塊， 但都有啲厚度，食落口感非常之鮮味， 個醬汁都做得好好。燒黃花魚，外皮搽了蜜糖，食起來外皮實實的，內裏鬆軟，甜甜地， 幾得意同幾好食 。刺身主要食咗北寄貝同長腳蟹，因為實在好新鮮，長腳蟹亦好鮮甜，所以叫咗兩round。壽司同卷物方面， 材料新鮮吾再講 ， 款式設計同擺設都好精緻，好吸引， 飯糰細細嚿，食多咗都唔覺飽；我最欣賞嘅日本蟹柳壽司和牛油果軟殼蟹卷仲叫咗兩round 添， 因為真係好好食，蟹柳棒好大