6
餐廳用QR code點餐，點餐時候就發現，除左食日式拉麵小食之外，原來仲有小炒，而小炒價錢亦係平民價。最後老公就點左個 $268二人套餐 (不包飯)，套餐包湯品、小炒同菜各一，另外我哋加左個小炒，叫做3餸1湯，然後再加飲品。
餐前小食：免費贈送，係花生同炸甜核桃，幾脆。
鮮味海味白菜豆腐煲：湯底以乾貝、鮮蝦乾、蟶子乾和白蜆熬煮，味道鮮香，大白菜同豆腐吸收了海味，入口清甜。海味處理得乾淨，無腥味，湯煲嘅火候掌握得唔錯。
蒜蓉生菜：生菜爽脆，蒜蓉炒得幾香，油量適中，簡簡單單，幾好。
薑爆烏雞：烏雞肉炒得夠鑊氣，薑片切得厚薄適中，薑味濃郁，香氣足但唔嗆喉，鹹味剛好，合格。
豉油王蝦：蝦大隻，豉油味濃唔太鹹，蝦肉彈牙，殼易剝，入味好食。
飲品：我就叫左罐無糖可樂，老公就叫左德國麥啤。啤酒入口順滑，麥味濃，老公幾鐘意。
1
