影片
更多
2022-12-09
115 瀏覽
K11地庫果層都有唔少好野食，有間「一汁一菜」都幾多正評，食完又有驚喜喎！雖然只係日式快餐，不過佢既濃湯同小菜做得幾出色，就算匆匆忙忙食一餐都可以咁有quality！係K11分店既「一汁一菜」門面比較細，隔離有個同Hand3ag一齊既share space可以堂食，環境乾淨企理。顧名思義，一汁一菜就代表日本家庭對食飯既要求，要有一湯 (和洋湯品) & 一菜 (一品料理)，再加埋日本米飯先係完整既一餐。我地叫左個限定二人前只需要$178，個set都幾豐富~ 包2個湯﹑1個咖哩飯﹑2個小菜﹑1碗米飯，仲有2杯飲品。賣相好似一個飛機餐咁，幾特別~♢ 🌽北海道產甜粟雞肉豆乳濃湯呢碗湯質地好creamy，充斥住粟米既香甜味，非常正！湯底超足料，有雞肉、蘿蔔、西蘭花，飲到底都仲有好多雞肉~ 仲可以當餸食添！♢ 🦞法式龍蝦濃湯 (+$10)估唔到食快餐都可以飲到龍蝦湯，味道好香濃，仲食到粒粒龍蝦肉！冬天飲呢個特別暖胃呀~♢ 🍅和風蕃茄雞肉咖哩飯日式咖哩甜甜地，唔算好辣，香得黎幾惹味~ 加埋蕃茄仲帶d酸酸地既味道，送飯食好開胃！雞肉份量好多，肉質嫩滑～ 絕對可以食得飽呀！♢ 🐖油揚豆腐黑豚薑汁燒 呢個
係K11分店既「一汁一菜」門面比較細，隔離有個同Hand3ag一齊既share space可以堂食，環境乾淨企理。
顧名思義，一汁一菜就代表日本家庭對食飯既要求，要有一湯 (和洋湯品) & 一菜 (一品料理)，再加埋日本米飯先係完整既一餐。我地叫左個限定二人前只需要$178，個set都幾豐富~ 包2個湯﹑1個咖哩飯﹑2個小菜﹑1碗米飯，仲有2杯飲品。賣相好似一個飛機餐咁，幾特別~
♢ 🌽北海道產甜粟雞肉豆乳濃湯
呢碗湯質地好creamy，充斥住粟米既香甜味，非常正！湯底超足料，有雞肉、蘿蔔、西蘭花，飲到底都仲有好多雞肉~ 仲可以當餸食添！
♢ 🦞法式龍蝦濃湯 (+$10)
估唔到食快餐都可以飲到龍蝦湯，味道好香濃，仲食到粒粒龍蝦肉！冬天飲呢個特別暖胃呀~
♢ 🍅和風蕃茄雞肉咖哩飯
日式咖哩甜甜地，唔算好辣，香得黎幾惹味~ 加埋蕃茄仲帶d酸酸地既味道，送飯食好開胃！雞肉份量好多，肉質嫩滑～ 絕對可以食得飽呀！
♢ 🐖油揚豆腐黑豚薑汁燒
呢個係一品料理中既人氣之選~ 油豆腐吸收左湯汁既精華，口感juicy。黑豚肉肥瘦適中，燒汁同d肉好夾~ 仲有好多薑絲同蔬菜絲，感覺幾健康~ 白飯用左日本米，有種特別既炊飯味，特別開胃~
♢ 🐓蕃茄菠菜芝士雞肉卷
一大粒芝士夾係雞卷入面，雞肉夠滑身，口感豐富！不過菠菜味就無咁出。最鍾意係佢既蕃茄蓉，甜甜地夠清新，送飯一流。
♢ 🥗野菜沙律杯 $20
有時外食都想食返條菜，沙律杯要另外加$20。生菜份量比較少，反而多青瓜片﹑蘿蔔絲，仲有幾片奇異果，做到營養均衡呀~！
♢ 🥤蜜桃紅茶 & 烏龍茶
兩杯飲品都好大杯，仲要無冰架，值得一讚！淡淡既蜜桃香氣好清新，唔會太甜；烏龍茶茶味香醇，唔錯啵！
雖然D杯睇落細細隻，但係好深架！裝滿湯同餸之後份量都算幾多，一個餐都可以食得好飽~ 趕時間既話黎「一汁一菜」食個快餐都唔錯，特別係冬天最岩飲返啖濃湯下個胃~ btw原來朗豪坊係有專屬舖位堂食架，應該會坐得更加舒服。
張貼
