竜王居酒屋 (已結業)

由大老山去北角真係好快，又走去搵朋友食lunch，今次揀左居酒屋餐廳比較日式，有幅大大既油畫牆，樓底高同都ok闊落。竜王卷有霸氣既龍船盛載著壽司卷，壽司飯係赤醋飯包住天婦羅炸蝦，面頭係拖羅蓉同滿瀉既三文魚籽，新鮮鮮甜。雜錦魚生沙律2個女士所以叫左雜錦魚生沙律，刺身份量都幾多，有三文魚粒、吞拿魚粒、油甘魚粒，刺身新鮮，沙律菜用左檸檬汁酸醋調味，酸酸味味開胃。宮崎產煙燻黑豚配蜜糖黑豚肉肥瘦均勻，肉五花腩，感覺唔會太肥膩。日式海膽流心忌廉餅熱辣辣上枱，咬開後係流心海膽忌廉，忌廉creamy有陣陣海膽味，配番個生律菜感覺冇甘膩。