S2 鐵板燒 (已結業)

位於佐敦嘅呢一間鐵板燒，上次經過已經好想食。今次終於嚟到，入到鋪頭，有一種好似去左啲日本小店，超寫意，可以令人有放空同埋休息嘅感覺。呢度嘅一位店員，禮貌及態度十分專業十分之好，雖然同我同行嘅朋友遲到，而且我嚟到嘅時候其實係好趕，佢立即問我洗唔洗飲杯茶先呀？單單係呢一份親切嘅態度已經令到食客覺得好舒服。一開始嘅煙燻鴨胸沙律盛合杯，外表已經非常之靚，好開胃嘅一個頭盤沙律。一向都好鍾意食煎銀鱈魚🐟，鐵板燒嘅銀雪魚更加唔使講，油脂溶化之後嘅香味 係銀鱈魚獨有嘅！蟹爪 就好似攞住細細的雞鎚一樣，淡淡都係蟹肉！超正勁新鮮。另外真係要講一講佢嘅清酒🍶，呢一支凍清酒，入口甜甜地，我覺得真係好啱女仔飲，一啲都唔會覺得辛辣。係我係出面未飲過嘅清酒。