喜咖哩 (已結業)

去屯門朋友屋企坐吓傾吓計，差唔多又到食飯時候，就落去樓下行吓睇吓有咩食。經過見到有間食咖喱既，食個方便飯都好喎。睇吓有咩好食先，咦，呢度價錢唔貴喎。咖喱雞翼撈丁，雞翼大隻厚肉，煎得香脆，個咖喱汁好濃郁，裏面仲有薯仔同肉碎。咖喱汁實在太好味，所以叫咗個薄餅，薄餅好香脆，又夠奶蘇味，正！蕃茄豬頸肉糖心蛋螺絲粉，好濃郁嘅蕃茄湯底，裏面有蕃茄蓉㗎。糖心蛋做得好流，好有驚喜。仲有大大碟豬頸肉，成塊豬扒咁大，抵食！叫多個小食雞翼尖過下口癮先。